15 ақпан күні Андреевка орта мектебінде 1989 жылғы 15 ақпан — Кеңес әскерлерінің Ауғанстан аумағынан шыққан күніне арналған ашық шара өткізілді.

Осы шараны ұйымдастырушы АӘД пәнінің оқытушысы Шоқан Дүйсенұлы Аяғанов өзінің алғы сөзінде оқушыларды Ауған соғысының қысқаша тарихымен таныстырып өтті. Әрі қарай сөз кезегін алған жүргізушілер 10-шы сынып оқушылары Алихан Жимурзин мен Ткаля Мария оқушыларға Ауған соғысының тарихи анықтамасын екі тілде баяндап берді. Осы шара барысында ауған соғысында қаза тапқан жауынгерлерді еске алу үшін бір минуттік үнсіздік жарияланды.

Ашық шараның соңында 5-11 сынып оқушыларына ауған соғысы туралы бейнефильм көрсетілді.

Сонымен бірге, АӘД пәнінің оқытушысы Ш. Д. Аяғановтың басшылығымен, жылдағы дәстүр бойынша, осы айтулы күнге арналған 7-11 сынып оқушылары арасында пневматикалық қарудан атыс жарысын өткізілді, онда жүлделі орындарға 11 сынып оқушысы Сағитов Диас, 10 сынып оқушысы Доброгорский Максим және 9 сынып оқушысы Мұхамеджанов Рамазан ие болды, осы жетістіктері үшін олар мадақтама қағаздарымен марапатталды.

Андреевка орта мектебінің әскери–патриоттық Кеңесі